رباعيات

ضحكه وسط النار مرسومه
ودمعة عين تطلع مقهوره
وراية نصر بايد مكسوره
وجند الله دايما منصوره
.............................................................

زحمه كتيره وعاملين دوشه
وكله بيحكى قصة حبه
وحظ القلب فى حد يصونه
يلقى السعد وينسى همومه 

.............................................................

سرقوا منى العرض قبل الارض بسنين
ووقفوا فوق جثتى يستهزاوا بالدين
غلطان يوم ما انسى ان العين بالعين
ويوم ما اسيب تارى بيجيبوا ناس تانيين

............................................................. 

قاعد بكلم نفسى واحكيلها عن حكياتى
ما انا اصلى عايش وحدى وهى دى حياتى
ومن غير ما احكى الالم وانساه من ذكرياتى
ادور على ليلة فرح احكيها بين كلماتى
.............................................................

مات وفى ايده رغيف
كان نفسه يعيش نضيف
مش حلمه يكون ضعيف
علشان طول عمره شريف

.............................................................
 هيا اللمه فـــ وقت الفرح
وبس الدمعه معايا فــ الجرح
ويوم ما بعيش فـ حياتى نجاح
بلقى الكل معايا فـــ مزاح
...................................................................................

عني عمره ما غاب وجوا القلب عايش  !!

 مع انه بعيد عايش وفي لحظه راح ولاجاش !!

 اصل البشر الوان فيهم بيفضل دايم مهما العمر اتعاش !!

 وفيهم بيفضل غايب ولو بينا يفضل عايش وحلمه ما يسبناش !!
...................................................................................

حلوه الاوطان حين يسكنها الامان ،

حين يحوط اسوارها الحب ، حين يغلفها الود ،

حلوه الاوطان حين يعشق ثراها ،
حين نهفو الي ليل سمرها ،
حين تدفي شمسها برد قلوبنا ، 
  حين تشدوا طيورها انشوده الحريه ،
كم اهواك يامصر يااغلي غصن في شجر الاوطان
.......................................................................

كتير بنضعف وبنحتاج نقوى
اما بحد واما بفكره
واما بحلم بعيد نعيش بيه لبكره
ومهما بنضعف برضه بنقوى
.....................................................................

مش كل اللى اخترناه اسعدنا !
ولا كل اللى اتفرض علينا ابكانا !
ومش كل الناس بنحسها ويانا !
فى غايب بيفضل بس جوانا !
وفى كتير مهما فضلو اصلا مش معانا !!
..................................................................
وحتى الذكرى لو مُره !
وجت فى العمر كذا مره !
خدلك منها كام لحظه !
وعدى همومها بالمره !
..................................................................

لـــــــــ أحمـــــد خطابــــــــــى