ازاى تعيش بجد

الحياه اقصر مما نتخيل والدنيا احقر من اننا نبكى عليها ،، اجمل ما فى الحياه انك تعيش بقرب ناس بتحبك واجمل ما فيها حبيب او حبيبه يغنيك عن كل البشر،، اذا الظروف اجبرتك فى يوم على شىء ما كنت تتمناه ما تسكت بص للسما ادعى ربنا ابكيله قول يارب ،، ما تخسرش حد ابدا وما تجرحش حد يمكن الايام مش تسعفك تداوى اللى انت جرحته ، يمكن الايام مش تديك فرصه تانى علشان تكسب اللى خسرته ،، احكى احساسك قوله مش تضيع اى وقت ما تتكسفش من الدموع اذا شفت انها الحل ابكى اذا فى البكاء سلامه وصفاء لروحك ،، حاسب تنام وحد بيدعى عليك ،، اذا اتحرمت من الفرحه اوعى تحرم غيرك من اللى اتحرمت منه اذا ربنا مش ارادلك قربك من حبيبك اسعى كل يوم انك تقرب الاحبه من بعض اذا ربنا مش ادالك سعاده تحسها حاول توجدها انت على وشوش الناس ،، تاكد ان ربنا حاسس بوجعك وتاكد ان المك مسموع فى السماء ،، ما تبصش كتير لورا ما تبصش لسؤ العمل اللى عملته ما تقولش انا مش ليا نصيب فى رحمة ربنا ما تفتكرش انه بيحرمك بموقف ضدك تاكد انه اقرب الك من احلامك وانه وحده قادر على تحقيقيها مهما كنت شايفها مستحيله ،، المال مهم ولكنه ليس الحياه تاكدوا ان البيوت ما خربت الا حينما سيطرت الماده عليها تاكدوا ان الحل الوحيد فى كل مشاكل العصر هو ان الروح ترجع والحياه الماديه تختفى تانى ،، تاكدوا ان الحب هو كل شىء هو اللى بايده يصلح حال الجميع تاكدوا ان بالحب تحيا الامم ،، ما تكرهش حد مهما شفت منه اساءه اتعود تسامح وتغفر وتضحك ... وما تنساش ان فى الاخر حيكون فى موت ومحدش بيحمى حد من الموت ولا حد بيموت مكان حد ،، والشطاره انك تعيش جوا الناس فى سيرتهم فى حكاويهم فى قعداتهم حتى ولو غبت عنهم حتى لو فارقت الحياه ..

اقولك من الاخر كدا حاول تتعلم ازاى تعيش بجد !!

لــــــــــ أحمــــد خطابــــى