فيها ذكرى بكتنا بدموع
وذكرى اسعدتنا بفرحه
فيها كلمه بنفتكرها
وكلمه عاوزين ننساها
فيها غنوه للحياه
وتانيه للامل
وواحده للنجمه الى طايره
فيها حلم بيتحقق
وحلم لسه بنجرى وراه
وحلم مخبينه جوا قلوبنا
وحلم عشناه سرق منا العمر
وفيها اهل وصحبه وناس حبتنا
وناس كتير كرهتنا
وناس قصدت تسعدنا
وناس قبلت تبكينا
وناس همها تجرحنا
وكتير يتمنوا ينسونا
وناس عاشوا بينا وفى لحظه رحلوا
يمكن ماكناش جوا احلامهم
وناس وناس وناس
ورحله طويله لعارفين ازاى بداناها
ولا حتى فين حتكون نهايتها
وفى الاخر جوا الرحله دى
حنكون بس ذكرى ونتحكى جوا حدوته
ونبقى بس صفحه فى رحلة الحياه
لــــــــــ أحمـــــــد خطابــــــى
ليست هناك تعليقات:
إرسال تعليق